Здравствуй, школа!

Цішыня, якая панавала яшчэ некалькі дзён таму на школьных дварах, радасна парушана: цераз школьны парог весела і натхнёна пераступіў новы навучальны год. Ён разліўся па калідорах устаноў адукацыі звонкімі дзіцячымі галасамі,  упэўненымі крокамі педагогаў, шэптам кветак у настаўніцкіх руках… 

Асабліва хвалюючы школьны званок для хлопчыкаў і дзяўчынак, якія сёлета селі за пар-ты ўпершыню. Пройдзе час, але ўспаміны пра святочны вераснёўскі дзень назаўсёды застануцца ў памяці як адзін з самых прыгожых і шчаслівых у школьным жыцці.

Жадаем першакласнікам, а таксама ўсім вучням поспехаў у цікавых школьных справах, новых захапляльных вандровак, што-дзённага радаснага настрою і натхнення на добрыя і карысныя ўчынкі!