Як зэльвенцы Масленіцу сустракалі

Святкаванне Масленіцы на Зэльвеншчыне стала добрай традыцыяй. Развітацца з зімой і паклікаць вясну з’язджаюцца ў пасёлак землякі з розных куточкаў рэгіёна. Заўсёды на свяце шмат гасцей. Вось і ў нядзелю на цэнтральную плошчу спяшаліся бацькі з дзецьмі, бабулі і дзядулі з унукамі, прапаркоўваліся машыны з мінскімі, брэсцкімі і нават расійскімі нумарамі. Звонкія народныя спевы, вясёлыя карагоды так і бавілі хутчэй далучыцца да імпрэзы.

Тэатралізаванае прадстаўленне, з якога пачалося народнае гулянне, распавядала аб тым, як усе навокал мараць хутчэй развітацца з зімой, аднак яна сама пакуль што не спяшаецца адыходзіць.

Вясна пайшла на хітрасць і халоднае сэрца расчуліла задушэўнымі песнямі, жартамі і гульнямі.

І пакуль на цэнтральнай пляцоўцы гучалі мелодыі ў выкананні мясцовых самадзейных артыстаў, а таксама гасцей з суседніх Свіслацкага і Бераставіцкага раёнаў, на гульнёвых пляцоўках ладзіліся масленічныя забавы. Дзеці з задавальненнем адгадвалі загадкі, дапаўнялі прыказкі і прымаўкі, спаборнічалі на хуткасць, лоўкасць і спрыт. Канешне ж, за перамогу можна было атрымаць самы духмяны блін.

Пакаштаваць смак зэльвенскіх бліноў можна было амаль што на кожным кроку. Прапаноўваліся беларускія дранікі, аладкі з сакрэтам. Апроч гаспадынь з Бародзіч, Князева, Елкі, Дабраселец, Крывіч, гарачая страва прадавалася ў павільёнах філіяла аблспажыўтаварыства.

Сярод іншых масленічных забаў – гульні сярод дарослых, конкурсы і танцы. Ці мароз зрабіў сваю справу, ці вясёлыя кампазіцыі падымалі настрой, як бы там не было, але зэльвенцы і госці весяліліся і радаваліся. Некаторыя кінуліся ў скокі з героямі імпрэзы, другія прытанцоўвалі на месцы, знайшліся і такія, хто арганізаваў карагод.

–Марозна і снежна, хіба ж гэта не нагода радавацца, тым больш пад такія цудоўныя кампазіцыі, – падзялілася сваім настроем Аксана Канюшык з Баранавіч. – Падабаецца зэльвенская Масленіца, кожны год прыязджаю і атрымліваю вялікае задавальненне. На гэты раз з сабой узяла нават сяброў, якія засталіся пад добрымі ўражаннямі.

–Масленіца – гэта зарад добрага настрою, – гаворыць Анжэла Мачок з Зэльвы. – Змаглі адведаць бліноў і іншых смачных страў, набыць сувеніры ручной работы і адпачыць пад музыку.

Традыцыйны элемент святкавання Масленіцы – спальванне пудзіла зімы. На чале с галоўнымі героямі театралізаваннай пастаноўкі ўсе накіраваліся да вогнішча. Некалькі развітальных карагодаў, і – пудзіла зімы паляцела на агонь. А з ім дрэнныя думкі і непрыемнасці. Дарослыя і дзеці пачалі клікаць вясну.

Людміла ПОПКА

Присоединяйтесь к нашему каналу    

6 Thoughts to “Як зэльвенцы Масленіцу сустракалі”

  1. Наблюдательная

    Рано зиму-то провожать, она только началась))

  2. МАРЬЯНА

    ммммм….блины были пальчики оближешь!!!!

  3. Алёнка

    О, запамятовали про масленицу, а все равно на завтрак блинцы приготовили! Хах)

  4. Ангелина

    повезло с погодой, снег и морозец – настоящая масленичная неделя

  5. Анна Ивановна

    кто еще не попробовал масленичных блинов, есть шанс – в ближайшие выходные Масленица в агрогородках

  6. Сергей

    хорошо, что зима в этом году порадовала снегом

Добавить комментарий для МАРЬЯНА Отменить ответ

Этот сайт использует Akismet для борьбы со спамом. Узнайте как обрабатываются ваши данные комментариев.