Важен каждый голос
У нядзелю, 23 сакавіка 2014 года, адбудуцца выбары ў мясцовыя Саветы дэпутатаў 27-га склікання.
Яшчэ да прыбыцця на выбарчы ўчастак зэльвенцы маглі пазнаёміцца з інфармацыяй аб кандыдатах у дэпутаты па сваіх акругах. Сёлета адпаведныя матэрыялы рассылаліся выбарчымі камісіямі разам з запрашэннем прыняць удзел у галасаванні.
Аддаючы свой голас за кандыдатаў у дэпутаты, зэльвенцы тым самым пацвяр-джаюць, што гатовы прымаць удзел у вырашэнні надзённых праблем свайго населенага пункта. Менавіта на ўзроўні мясцовых Саветаў улада максімальна прыбліжана да простага чалавека, і ад дэпутата ў многім залежаць адносіны людзей да дзяржаўнай улады ў цэлым. Пагэтаму выбар-шчыкі галасуюць за тых, хто ўжо прадэманстраваў сваё нераўнадушша да праблем грамадзян, дабіўся поспехаў у прафесійнай дзейнасці, любіць сваю мясцовасць і яе жыхароў.
Старшыня раённай выбарчай камісіі Святлана Ксянжук адзначае, што датэрміновае галасаванне праходзіць у спакойнай і добразычлівай атмасферы. На выбарчых участках актыўна працуюць назіральнікі, якіх сёлета ў раёне зарэгістравана 93.
Паважаныя выбаршчыкі! Нагадваем, што сёння апошні дзень датэрміновага галасавання. Яно праводзіцца ў памяшканнях участковых камісій з 10.00 да 14.00 і з 16.00 да 19.00.
У асноўны дзень выбараў выбарчыя ўчасткі будуць працаваць з 8.00 да 20.00.
Сям’я Броска прыйшла на Шапавалаўскі выбарчы ўчастак у поўным саставе. “Мы разумеем важнасць гэтай грамадска-палітычнай кампаніі, – гавораць Святлана і Вадзім, – таму і праяўляем грамадзянскую адказнасць і свядомасць. Да гэтага змалку прывучаем і сваіх дзяцей. Вылучыўшы свабодны час, вырашылі прагаласаваць датэрмінова. Кандыдата ў дэпутаты раённага Савета ведаем не па чутках. А з перадвыбарнай праграмай прэтэндэнта на мандат у абласны Савет дэпутатаў пазнаёміліся, прачытаўшы інтэрв’ю з ім у раённай газеце “Праца”. Спадзяёмся, што яны будуць дастойнымі народнымі выбраннікамі”.
На пытанне, чаго чакаеце ад будучых дэпутатаў, Броскі адказалі коратка, але ёмка: “Актыўных дзеянняў”.