В Зельве ведётся реконструкция улиц Чапаева и Булака
З кожным годам Зэльва становіцца больш камфортнай і ўтульнай для пражывання. І гэта не можа не радаваць яе жыхароў. Прыемныя ўражанні ад наведвання гарадскога пасёлка застаюцца і ў нашых гасцей. У гэтым, безумоўна, вялікая заслуга мясцовай улады, непасрэдна старшыні райвыканкама Яна Пальчыса. Дзякуючы яго ініцыятыве добраўпарадкаваны мікрараён “Паўднёвы”, наведзены парадак ля шматпавярховых дамоў (з’явіліся зялёныя газоны, дзіцячыя пляцоўкі, паркоўкі для аўтамабіляў і г.д.). Зараз распачата рэканструкцыя вуліц Чапаева і Булака.
Па вуліцы Чапаева акрамя пракладвання пешаходных дарожак, асфальтавання праезнай часткі, пад’ездаў да дамоў, расшырэння стаянкі для аўтамабіляў будзе заменены ўчастак цеплатрасы.
Асабліва вялікі аб’ём работ прадстаіць выканаць рамонтнікам на адной з самых ажыўленых вуліц пасёлка–Булака. Як паведаміў галоўны архітэктар раёна Уладзімір Нагорны, у першую чаргу тут будзе праведзена замена старога вода-праводу–асноўнай артэрыі забеспячэння райцэнтра вадой. У выніку даволі працяглага тэрміну эксплуатацыі трубы састарэлі, што адмоўна адбівалася на надзейнай і якаснай падачы вады спажыўцам. У сувязі з пракладваннем водаправоду на пэўны час з’явяцца нязручнасці ў жыхароў вуліцы Булака і суседніх: да 24 жніўня будзе адключана вада. Штодзённа з 18.00 да 20.00 па графіку будзе арганізаваны яе падвоз. Хочацца, каб людзі з разуменнем аднесліся да ўзнікшых праблем, таму што ўсё гэта робіцца для паляпшэння іх умоў пражывання. На дадзеным аб’екце таксама будзе праве-дзена замена апор і ліній электраперадач, з’явяцца новыя пешаходныя дарожкі і бу-дзе пакладзена асфальтабетоннае пакрыццё.
Пракладванне вода-праводу вядзе вытворчае падраздзяленне прадпрыемства меліярацыйных сістэм пад кіраўніцтвам інжынера Віктара Болціка.
– Нам неабходна пракласці 660 метраў водаправодных труб,– адзначыў спецыяліст службы.–Спачатку правялі падрыхтоўчыя работы: убралі старое асфальтабетоннае па-крыццё. На гэтых работах у нас былі заняты экскаватаршчык Васіль Голуб, машыніст пагрузчыка Іосіф Яскевіч і вадзіцель Генадзь Сушчэвіч. Пракладванне водаправоду па гэтай вуліцы– даволі працаёмкая і складаная работа. Побач з трасай прахо-дзяць газаправод і падводы да жылых дамоў, а таксама кабелі сувязі і электраперадач. Пагэтаму траншэю прыходзіцца капаць асцярожна, каб не па-шкодзіць камунікацый. На некаторых участках толькі верхні слой здымаем экскаватарам, а далей капаем уручную. На месцах правядзення работ пастаянна прысутнічаюць прадстаўнікі раённага вузла электрасувязі і цэха газавай гаспадаркі. На пракладцы водаправоду заняты Андрэй Чак, Мікалай Коўш, Андрэй Калбаска.
Тут жа працуюць і работнікі ўчастка кацельняў і ацяпляльных сістэм прадпрыемства жыллёва-камунальнай гаспадаркі.
– Ужо заменена 186 метраў цепласетак,– гаворыць начальнік участка Генадзь Арочка.– Рэканструкцыя ўсяго запланаванага ўчастка да-зволіць павысіць надзейнасць падачы цяпла спажыўцам і знізіць страты.
Пасля завяршэння вышэй названых работ распачнуць свае дзеянні дарожнікі.
На здымках: вядзецца рэканструкцыя вуліцы Булака.