Кто может рассчитывать на адресную социальную помощь
Згодна з Указам Прэзідэнта Рэспублікі Беларусь № 41 “Аб дзяржаўнай адраснай сацыяльнай дапамозе” з 1 красавіка 2012 года плануецца пашырэнне сістэмы зяржаўнай падтрымкі насельніцтва. Пра тое, што такое адрасная сацыяльная дапамога, хто мае права на яе атрыманне і куды трэба звяртацца, расказвае галоўны спецыяліст аддзела працы і службы занятасці ўпраўлення па працы, занятасці і сацыяльнай абароне райвыканкама Галіна ГОЎСЬ (на здымкау):
–Галіна Міхайлаўна, што такое адрасная сацыяльная дапамога? На якія патрэбы яна прадастаўляецца?
–Дзяржаўная адрасная сацыяльная дапамога накіравана на падтрыманне даходаў насельніцтва на мінімальна гарантаваным узроўні, садзейнічанне сем’ям у вырашэнні цяжкіх жыццёвых праблем, скарачэнне колькасці малазабяспечанага насельніцтва.
Дапамога насельніцтву прадастаўляецца на набыццё прадуктаў харчавання, лекавых сродкаў, адзення, абутку, школьных прылад і на іншыя патрэбы для забеспячэння нармальнай жыццядзейнасці, а таксама на аплату (цалкам або часткова) жыллёва-камунальных паслуг.
–Хто мае права на адрасную дапамогу, пры якіх умовах яе назначаюць?
–Права на дзяржаўную адрасную сацыяльную дапамогу маюць грамадзяне і сем’і, сярэднедушавы даход якіх ніжэй за бюджэт пражытачнага мінімуму ў сярэднім на душу насельніцтва. Сярэднедушавы даход вызначаецца зыходзячы з даходаў членаў сям’і, атрыманых на працягу 12 месяцаў, якія папярэднічаюць месяцу звароту па адрасную дапамогу. Для сем’яў, у якіх член сям’і звольнены з працы (службы) у сувязі з ліквідацыяй арганізацыі, спыненнем дзейнасці індывідуальнага прадпрымальніка, скарачэннем колькасці або штату работнікаў,– за 3 месяцы, якія папярэдні-чаюць месяцу звароту.
–Што ўключаецца ў склад сукупнага даходу сям’і?
–Пры вызначэнні сукупнага даходу сям’і суміруюцца наступныя даходы:
даходы за 12 месяцаў, якія папярэднічаюць месяцу звароту (з месца працы, цэнтра занятасці, упраўлення сацабароны) кожнага члена сям’і;
усе віды заработнай платы за выкананую працу і адпрацаваны час (грашовая, натуральная ў грашовым эквіваленце);
даходы ў замежнай валюце;
дапамога на дзіця;
ільготнае ўтрыманне дзяцей і льготнае харчаванне ва ўстановах дашкольнай адукацыі;
аліменты, атрыманыя членам сям’і;
усе віды пенсій з улікам надбавак і даплат;
усе віды стыпендый;
сацыяльныя льготы ў грашовым эквіваленце, праду-гледжаныя заканадаўствам для пенсіянераў, інвалі-даў І і ІІ груп;
ільготнае бясплатнае харчаванне для дзяцей да 2-гадовага ўзросту.
адрасная дапамога, выплачаная ў разліковым перыядзе.
– Ці існуе тэрмін назначэння дзяржаўнай адраснай сацыяльнай дапамогі?
– Штомесячная сацыяльная дапамога назначаецца пачынаючы з месяца звароту на тэрмін ад 1 да 6 месяцаў па рашэнні камісіі.
Аднаразовая сацыяльная дапамога назначаецца ў залежнасці ад канкрэтных абставін (цяжкая жыццёвая сітуацыя), якія аб’ектыўна парушаюць нармальную жыццядзейнасць грамадзяніна (сям’і). Гэта можа быць поўная непрацаздольнасць па прычыне ўзросту або інваліднасці, няздольнасць да самаабслугоўвання, у сувязі з хваробай, стыхійныя бедствы, катастрофы, пажары, патрэбнасць у тэхнічных сродках рэабілітацыі і іншыя абставіны. Згодна з новым указам, сацыяльная дапамога можа назначацца сем’ям (грамадзянам) два разы на працягу каляндарнага года пры ўмове, што іх даход не перавышае 1,5 велічыні крытэрыя патрэбнасці.
–Якія змены прадугледжаны Указам №41 адносна адзінокіх інвалідаў І і ІІ груп, адзінокіх непрацаздольных грамадзян, дасягнуўшых 70-гадовага ўзросту, няпоўных сем’яў, у якіх ажыццяўляецца догляд дзіцяці-інваліда ва ўзросце да 18 гадоў?
–Па рашэнні камісіі дзяржаўная адрасная сацыяльная дапамога можа быць назначана гэтым катэгорыям грамадзян на 12 месяцаў.
–Згодна з новым указам адрасная дапамога назначаецца дзіцяці-інваліду на куплю падгузнікаў. Куды трэба звяртацца за атрыманнем такой дапамогі?
–Сапраўды, уводзіцца новы від сацыяльнай дапамогі для пакрыцця выдаткаў на набыццё падгузнікаў. Такая дапамога будзе прадастаўляцца інвалідам І групы і дзецям-інвалідам ва ўзросце да 18 гадоў, якія маюць IV ступень страты здароўя, незалежна ад даходу сям’і. Памер дапамогі – да 3 бюджэтаў пражытачнага мінімуму ў сярэднім на душу насельніцтва– прадастаўляецца два разы на год. Патрэбнасць у падгузніках устанаўлівае ўрачэбна-кансультацыйная камісія (УКК).
Звяртацца неабходна ва ўпраўленне па працы, занятасці і сацыяльнай абароне райвыканкама, падаўшы за-ключэнне УКК і дакументы, якія пацвярджаюць фактычныя выдаткі на набыццё падгузнікаў.
–Галіна Міхайлаўна, згодна з новым указам № 41 ці з’яўляецца выязным турызмам выезд за межы Рэспублікі Беларусь за свае сродкі з мэтай лячэння дзіцяці? Ці можна разлічваць на назначэнне адраснай дапамогі ў такой сітуацыі?
–У адпаведнасці з нормамі Указа Прэзідэнта Рэспублікі Беларусь № 41, выязным турызмам не з’яўляюцца выезды за межы Рэспублікі Беларусь за кошт юрыдычных асоб, грамадскіх і (або) рэлігійных арганізацый і іншых крыніц фінансавання, а таксама дакументальна пацверджаныя разавыя выезды за кошт уласных сродкаў для лячэння, удзелу ў цырымоніях заключэння шлюбу, догляду непрацаздольных асобаў, якіх член сям’і (грамадзянін) абавязаны ўтрымліваць па законе і г.д.
–Куды трэба звяртацца па назначэнне адраснай сацыяльнай дапамогі?
–Гэтае пытанне вырашаецца ва ўпраўленні па працы, занятасці і сацыяльнай абароне райвыканкама (райвыканкам, 2-і паверх, каб. № 30, тэл. 2-59-28).