Віншаванне з Вялікаднем ад раённай улады

Віншаванне з Вялікаднем ад раённай  улады 

Паважаныя вернікі каталіцкай канфесіі Зэльвеншчыны!
Сардэчна і шчыра віншуем вас з найвялікшым хрысціянскім святам – Вялікаднем!

Уваскрасенне Хрыстова з'яўляецца для ўсяго хрысціянскага свету галоўным сімвалам сапраўднай ахвярнасці і ўсёдаравальнай любові. Гэта адно з найважнейшых святаў, якое ўвасабляе ўрачыстасць жыцця,  умацоўвае веру ў перамогу дабра і справядлівасці, заахвочвае да спагады і міласэрнасці, разваг аб важным сэнсе ахвяры ў імя любові і надзеі. 

Вялікдзень, аб'ядноўваючы людзей, звяртае нас да духоўных каштоўнасцей хрысціянства, шматвяковых традыцый нашага народа, якія і сёння з'яўляюцца асновай яго адзінства. Таму ў гэтыя светлыя вясновыя дні кожны імкнецца акружыць клопатам родных і блізкіх, падзяліцца з імі радасцю свята, падарыць цяпло душэўных зносін.  

Прыміце шчырыя пажаданні міру, моцнага здароўя і выканання ўсіх вашых надзей і добрых пачынанняў. Няхай велікоднае святло, напаўняючы сэрцы радасцю і любоўю да бліжніх і асвятляючы жыццёвую дарогу, надасць чысціню намерам, падорыць усім шчасце, дабрабыт. Жадаем, каб гэтае святло натхніла вас усіх на стваральную працу і новыя здзяйсненні на карысць роднай Беларусі! 

Раённы выканаўчы камітэт 
Раённы Савет дэпутатаў

Интересные и актуальные новости Зельвенского района в наших Telegram-канале, MAX.  Подписывайтесь по ссылке!