Ганненскі кірмаш 22 жніўня 2015 года
У сувязі з правядзеннем Ганненскага кірмашу аб’яўляюцца конкурсы:
*на лепшы фотаздымак і відэасюжэт на тэму Ганненскага кірмашу
Конкурс праводзіцца ў 2-х намінацыях: “Ганненскі кірмаш у Зэльве”(фотаздымкі памерам А4 дасылаюцца ў аргкамітэт на адрас: г.п.Зэльва, вул. Савецкая, 34 (кантактны тэлефон 2-53-29) па 19 жніўня 2015 года; “Ганненскі кірмаш-2015” (фота- або відэасюжэты, зробленыя падчас свята, на электронным носьбіце дасылаюцца ў арг-камітэт на адрас: г.п.Зэльва, вул. 17 Верасня, 27 (кантактны тэлефон 2-55-79) на працягу 22 жніўня 2015 года да 20 гадзін). У конкурсе могуць прымаць удзел усе жадаючыя. Пры падвядзенні вынікаў будуць улічвацца арыгінальнасць падачы матэрыялу і раскрыццё тэмы сюжэту.
*на лепшае афармленне балкона
У конкурсе прымаюць удзел усе жадаючыя жыхары вуліц Савецкая, Перамогі, Паркавая, завулка Акадэміка Жэбрака. Заяўкі дасылаюцца да 19 жніўня 2015 года ў аргкамітэт на адрас: г.п.Зэльва, вул. Савецкая, 34. Пры падвядзенні вынікаў улічваецца адпаведнасць стылю свята, арыгінальнасць афармлення, лепшае дэкаратыўнае вырашэнне. Папярэднія вынікі падводзяцца 21 жніўня 2015 года. Кантактны тэлефон 2-45-31.
*на лепшую конную павозку
У конкурсе прымаюць удзел усе ўстановы культуры, сельсаветы, індывідуальныя прадпрымальнікі, жыхары раёна.
Удзельнікі ўпрыгожваюць павозкі ў стылі свята, рыхтуюць тэатралізаванае прадстаўленне (да 5 хвілін), маюць права выкарыстоўваць музыку (USB-носьбіт). Пры падвядзенні вынікаў будуць улічвацца адпаведнасць стылю свята, ары-гінальнасць афармлення, лепшае дэкаратыўнае вырашэнне.
Які ж кірмаш без коней?!
Вы хочаце прадаць ці набыць каня? Тады вам трэба прыехаць на Ганненскі кірмаш у Зэльву. Тут будзе арганізаваны гандаль коньмі для прымянення ў гаспадарчых ці спартыўных мэтах.
Запрашаюцца таксама і рамеснікі, якія займаюцца вырабам і продажам коннай збруі.
Кантактны тэлефон 8(029) 868-53-61.
*Рэдакцыя газеты “Праца” аб’яўляе конкурс на самы арыгінальны касцюм (фрагмент касцюма). Галоўным матэрыялам касцюма павінны быць старонкі зэльвенскай раённай газеты. Газетныя палосы можна клеіць, разрэзваць, плясці, збіраць у гармонік, упрыгожваць аксэсуарамі – справа фантазіі канкурсантаў. Работы прымаюцца да 21 жніўня 2015 года. Кантактныя тэлефоны: 2-41-09, 2-51-72.
На Ганненскім кірмашы пераможцам будзе ўручана падпіска на газету “Праца” на IV квартал 2015 года.
*на лепшы касцюміраваны калектыў
Конкурс праводзіцца з мэтай знаёмства гасцей свята з традыцыямі, побытам, адзеннем рэгіёну; папулярызацыі стылізаванага касцюма; развіцця творчых здольнасцей удзельнікаў.
Пры падвядзенні вынікаў будуць улічвацца адпаведнасць стылю свята, арыгінальнае прадстаўленне калектыву, выкарыстанне рэквізіту.
У конкурсе прымаюць удзел працоўныя калектывы Зэльвеншчыны.
Кантактны тэлефон 2-51-08.
*на лепшы каравай
У конкурсе прымаюць удзел жыхары і госці Зэльвеншчыны.
Да паслуг удзельнікаў – дэманстрацыйныя сталы. Посуд, абрусы і элементы дэкору забяспечваюцца самымі канкурсантамі. Конкурсныя караваі выстаўляюцца ў гатовым выглядзе для дэманстрацыі гледачам і журы. Усе вырабы павінны адпавядаць санітарна-гігіенічным нормам.
Элементы аздобы караваю павінны быць выраблены з ядомых матэрыялаў. Не дазваляецца выкарыстоўваць клеевы аловак, нехарчовыя клей і фарбавальнікі.
Вітаецца дадатковае афармленне кампазіцыі аксэсуарамі. Гэта могуць быць кветкі, драпіроўкі і інш. Караваі і дэкарацыі павінны складаць адзіную гарманічную кампазіцыю. Караваі могуць быць прадстаўлены ў прэзентацыі на працягу 3–5 хвілін.
Кантактны тэлефон 2-45-31.
*на лепшую работу дэкаратыўна-прыкладнога мастацтва
У конкурсе прымаюць удзел установы адукацыі, культуры, народныя майстры, усе жадаючыя. Пры падвядзенні вынікаў будуць улічвацца арыгінальнасць падачы матэрыялу, раскрыццё тэмы, захаванне народных традыцый.
Работы дасылаюцца ў аргкамітэт на адрас: г.п.Зэльва, вул. Савецкая, 34, да 20 жніўня 2015 года і будуць дэманстравацца на выставе, якая пройдзе 22 жніўня 2015 года падчас правядзення кірмашу.
Кантактны тэлефон 2-53-29.
*на лепшы стылізаваны касцюм
У конкурсе прымаюць удзел дамы (цэнтры, ад-дзелы) рамёстваў, сельскія ўстановы культуры, жыхары і госці пасёлка.
Удзельнікі рыхтуюць прэзентацыю касцюма (да 2 хвілін), які павінен адпавядаць стылю свята або нацыянальнаму каларыту, маюць права выкарыстоўваць музыку (USB-носьбіт).
Кантактны тэлефон 2-51-08.
*на лепшую прэзентацыю аграсядзіб і пляцовак прадстаўнікоў сярэдняга і малога бізнесy
Удзельнікі конкурсу афармляюць падворак не пазней 11 гадзін 22 жніўня 2015 года і прэзентуюць яго. Конкурс праводзіцца ў 2-х намінацыях: прэзентацыя аграсядзіб і пляцовак прадстаўнікоў сярэдняга і малога бізнесу. Асноўнымі крытэрыямі ацэнкі будуць навізна і арыгінальнасць аздаблення, прэзентацыя, захаванне народных традыцый. Кантактныя тэлефоны: для прадстаўнікоў сярэдняга і малога бізнесу – 2-52-15, 2-59-03, для аграсядзіб – 2-30-94.
*на лепшую пляцоўку сельскагаспадарчых арганізацый і сельсаветаў “Кірмашовы падворак”
У конкурсе прымаюць удзел сельскагаспадарчыя вытворчыя арганізацыі і сельсаветы.
Пры ацэнцы пляцовак будуць улічвацца арыгінальнасць і творчасць, ступень складанасці, навізна аздаблення падворка, прэзентацыя, захаванне народных традыцый. Кантактны тэлефон 2-51-08.
Выстава куфраў
У мэтах прапаганды багатай і самабытнай беларускай культуры ў час Ганненскага кірмашу будзе працаваць выстава “Шчодры куфар”. Паважаныя зэльвенцы, калі ў вас захаваліся старыя прадметы побыту, яны могуць заняць пачэснае месца ў “Шчодрым куфры”. Кантактны тэлефон 2-45-58.
Да ведама суб’ектаў малога бізнесу!
У час Ганненскага кірмашу будзе працаваць прад-прымальніцкая пляцоўка, на якой суб’екты малога бізнесу змогуць прэзентаваць свае работы, паслугі, а таксама прадукцыю.
Фармат удзелу: размяшчэнне на спецыяльна адведзенай пляцоўцы ўласнага спецыялізаванага абсталявання і матэрыялаў (выставачныя стэнды, каталогі, буклеты, узоры прадукцыі, інвестыцыйныя прапановы). Вітаецца афармленне прэзентацыі ў стылі XVIII–XIX ст.ст. Месца правядзення – вул. Савецкая.
Па пытаннях удзелу звяртацца ў аддзел эканомікі райвыканкама, электронны адрас: zelva-ekon@tut.by, кантактныя тэлефоны: 2-59-03, 2-54-18.
Заяўкі дасылайце да 19 жніўня 2015 года ў аргкамітэт на адрас: г.п.Зэльва, вул. Савецкая, 34.
Узнагароджванне адбудзецца 22 жніўня 2015 года ў час правя-дзення Ганненскага кірмашу.