12 ліпеня – Дзень вызвалення Зэльвеншчыны ад нямецка-фашысцкіх захопнікаў

Паважаныя ветэраны Вялікай Айчыннай вайны і Узброенных Сіл Рэспублікі Беларусь! Дарагія зэльвенцы! 12 ліпеня 1944 года з’яўляецца свяшчэннай датай, з якой пачаўся адлік мірнага жыцця для жыхароў Зэльвенскага краю. Гэты дзень сімвалізуе свабоду, незалежнасць і адзінства народа. Ён нагадвае, што ад працы кожнага з нас залежаць поспехі, якія прымнажаюць моц і славу малой радзімы. Праз гады мы з годнасцю працягваем слаўныя традыцыі старэйшых пакаленняў, захоўваем мір, з любоўю працуем на роднай зямлі. У суровы час героі-вызваліцелі праявілі смеласць, мужнасць, цвёрдасць духу і змаглі адстаяць ідэалы дабра і справядлівасці. Сёння мы нясём адказнасць за тое, каб наш край быў прыгожым і квітнеючым, людзі жылі мірна і бяспечна. Жадаем усім паважаць адзін аднаго, імкнуцца да ўзаемаразумення – толькі так складаецца шчаслівы лёс Зэльвеншчыны. Выказваем упэўненасць, што жыхары раёна зробяць усё магчымае для далейшага развіцця і росквіту сваёй малой радзімы. Са святам, дарагія сябры! Няхай гэты светлы і радасны дзень споўніць надзеі і жаданні. Шчасця кожнай сям’і, спакою і міра кожнаму дому! Раённы выканаўчы камітэт Раённы Савет дэпутатаў